The Art Of Networking 💻

 The Art Of Networking

Networking ကို သင်သိပါသလား

Hacking ကိုလူသိများပေမဲ့ Networking ဆိုရင် တော်တော်များများ မသိတဲ့သူ များတဲ့အတွက် ဒီဆောင်းပါးလေးကို

Sharing လုပ်ပေးခြင်းဖြစ်ပါတယ်။

#kolwin

Networking သည် hardware, software and protocol များအသုံးပြုပြီး ကွန်ရက်တစ်ခုကို တည်ဆောက်ခြင်း၊ ချိတ်ဆက်ခြင်း၊ ပြုပြင်ခြင်း၊ ကာကွယ်ခြင်းဆိုင်ရာ အတတ်ပညာ (The Art of Network) ဖြစ်သည်။Networking တွင်နည်းပညာနယ်ပယ်အသီးသီးမှ သီအိုရီပိုင်းဆိုင်ရာ ပရိုဂရမ်များပါဝင်၍ သတင်းအချက်အလက် နည်းပညာ၊ ကွန်ပျူတာသိပ္ပံ၊ ကွန်ပျူတာအင်ဂျင်နီယာပညာ၊ လျှပ်စစ်အင်ဂျင်နီရာပညာ၊ စက်မှုအင်ဂျင်နီရာပညာ၊ အာကာသသိပ္ပံ စသည်ဖြင့် အင်ဂျင်နီရာဆိုင်ရာ ပညာရပ်များအားလုံး အကျုံးဝင်သည်။

Information Systems (IS) အသုံးပြု၍ ကြားခံနယ်များကိုကျော်လွန်ကာ နုပ်ဒ်များ (nodes) ကြားတွင် အချက်အလက်များကို ကူးယူခြင်း၊ မျှဝေခြင်း၊ ပြောင်းလဲခြင်းကို Computer Networking Systems (CNS) ဟုခေါ်သည်။ ကွန်ပျုတာနက်ဝက်ပညာသည် စက်ပစ္စည်းတွေနှင့် အဆုံးမှတ် (endpoints) တွေကို Local Area Network (LAN) or Internet Network (IN) အသုံးပြု၍ ကောင်းစွာချိတ်ဆက်နိုင်ပါသည်။ ဒေသကွန်ရက် (LAN)၊ ပြည်နယ်ကွန်ရက် (MAN)၊ အပြည်ပြည်ဆိုင်ရာကွန်ရက် (WAN) များကို အသုံးပြုထားသော ကွန်ပျူတာကွန်ရက်နည်းပညာကို အီသာနက် (Ethernet) ဟုခေါ်သည်။

ကမ္ဘာအရပ်ရပ်ရှိ အလှူရှင်များ၊ စီးပွားရေးလုပ်ငန်းများ၊ စားသုံးသူများအတွက် အရင်းအနှီးများကို မျှဝေဖို့၊ ဝန်ဆောင်မှုပေးဖို့၊ လှူဒါန်းဖို့၊ ဆက်သွယ်ဖို့ နက်ဝက်နည်းပညာရပ်သည် အဓိက‌နေရာတွင် ပါဝင်ပတ်သက်နေသည်။ နက်ဝက်ကင်းသည် အင်တာနက်ပစ္စည်းများ (IoT) ချိတ်ဆက်မှု၊ စာပို့မှု၊ ဖုန်းခေါ်မှု လုပ်ငန်းများကို လွယ်ကူ ချောမောစေသည်။ ကွန်ရက်တစ်ခုကိုစီမံဖို့ လိုအပ်သောကျွမ်းကျင်မှုအဆင့်သည် သတ်မှတ်ထားသော ကွန်ရက်အစိတ်အပိုင်းများနှင့် တိုက်ရိုက်သက်ဆိုင်နေသည်။ ဆိုလိုသည်မှာ အင်ဂျင်နီယာတစ်ယောက်၏ ကျွမ်းကျင်မှုသည် သူ့အလုပ်နှင့် တိုက်ရိုက်သက်ဆိုင်နေသည်။ နက်ဝက်ပညာကို ကျွမ်းကျင်သူသည် ကွန်ရက်တစ်ခုကို ကောင်းစွာစီမံနိုင်၍၊ မကျွမ်းကျင်သူသည် ဆုံးရှုံးဖွယ်ရာ ရှိသည်။

Types of Networking

Networking တွင် အဓိကအားဖြင့် ကြိုးသုံးကွန်ရက်စနစ် (wired networking) နှင့် ကြိုးမဲ့ကွန်ရက်စနစ် (wireless networking) ဟူ၍ စနစ်နှစ်မျိုးရှိသည်။

ကြိုးသုံးကွန်ရက်စနစ်သည် နုပ်ဒ်မှတ်များ (notes) ကြားတွင် သယ်ယူပို့ဆောင်ရေးအတွက် ကြားခံပစ္စည်းများ လိုအပ်သည်။ ဈေးနှုန်းချိုသာပြီး ကြာရှည်ခံမှုကြောင့် လူကြိုက်များသော ကြေးနီအခြေပြု အီသာနက်ကေဘယ်လ်သည် စီးပွားရေးလုပ်ငန်းများနှင့် အိမ်များတွင် ဒစ်ဂျစ်တယ်ဆက်သွယ်ရေးအတွက် အသုံးပြုသည်။ အလင်းမျှင် (optical fiber) ကို အလွန်ဝေးကွာသောခရီးသို့ အချက်အလက်များကို လျင်မြန်စွာပို့ဆောင်နိုင်ရန်အတွက် အသုံးပြုသည်။ သို့သော်လည်း ၎င်းသည် စက်ပစ္စည်းများ လိုအပ်သည်။ ကုန်ကျစရိတ်များ၍ ပျက်စီးလွယ်သော အစိတ်အပိုင်းတွေ များစွာပါ၀င်သည်။

ကြိုးမဲ့ကွန်ရက်စနစ်တွင် ဒေတာများကိုသယ်ယူပို့ဆောင်ဖို့ ရေဒီယိုလှိုင်း (radio waves) များအသုံးပြုသည်။ ၎င်းစနစ်သည် မည်သည့်ကြိုးမှ မသုံးဘဲ စက်များကို ချိတ်ဆက်မောင်းနှင်‌နိုင်သည်။ ရေဒီယိုလှိုင်းသုံး ဆက်သွယ်ခြင်းသည် နက်ဝက်ကင်း၏ ရှေးယခင်က အ‌ခြေခံစနစ်ပင်ဖြစ်သည်။ အခြားအရာတွေကတော့ လျှက်စစ်သံလိုက်လှိုင်း (microwave)၊ ဂြိုလ်တု (satellite)၊ ကလာပ်စည်း (cellular) နှင့် အသေးစားဆက်သွယ်ရေးစနစ် (Bluetooth) တို့ဖြစ်ကြသည်။

ယေဘုယျစည်းမျဉ်းအရ ကြိုးသုံးကွန်ရက်သည် ကြိုးမဲ့ကွန်ရက်များနှင့် နှိုင်းယှဉ်လျှင် ပိုမိုမြန်ဆန်ခြင်း၊ စိတ်ချရခြင်း၊ လုံခြုံခြင်းရှိ၍ ကြိုးမဲ့ကွန်ရက်သည် ပိုမို ပြောင်းလွယ်၊ ပြင်လွယ်၊ ဆက်သွယ်ရ လွယ်သည်။

ကွန်ရက်တစ်ခု၏ ရုပ်ပိုင်းဆိုင်ရာအလွှာများ (physical layers) နှင့် ပတ်သက်နေသော နက်ဝက်ပညာရပ်အမျိုးအစားများကို မှတ်သားသင့်ပေသည်။ ဆော့ဖ်ဝဲလ် အတည်ပြုကွန်ရက် (SDN) (သို့) ထပ်ဆင့်ကွန်ရက် (ON) များပါဝင်သော နည်းစနစ်များကို လေ့လာ၍ ၎င်း၏တည်ဆောက်ပုံ၊ ဖွဲ့စည်းပုံအရ နက်ဝက်ကင်း၏အရည်အသွေးကို သတ်မှတ်နိုင်သည်။

ထို့ပြင် ဒေသကွန်ရက်၊ ကျောင်းဝင်းကွန်ရက်၊ အပြည်ပြည်ဆိုင်ရာကွန်ရက်၊ ဒေတာစင်တာကွန်ရက် သို့မဟုတ် သိုလှောင်နယ်မြေကွန်ရက်ကဲ့သို့သော ကွန်ရက်များကို ပတ်ဝန်းကျင် (Environment) နှင့် အတိုင်းအတာ (Scale) အလိုက် ခွဲခြားနိုင်သည်။

Components of Networking

နက်ဝက်ကင်းလုပ်ရန် ကွန်ရက်ဆိုင်ရာ ဆက်စပ်ပစ္စည်းများ လိုအပ်သည်။ ၎င်းတို့မှာ switches, routers and wireless access points များနှင့် စက်များကို စီမံခန့်ခွဲနိုင်သော underlying firmware ဖြစ်သည်။ အခြားဆက်စပ်ပစ္စည်းတွေကတော့ ကွန်ရက်ကို စစ်ဆေးဖို့၊ စီမံဖို့နှင့် ကာကွယ်ဖို့ လိုအပ်သော softwares များဖြစ်ကြသည်။ ထို့အပြင် ကွန်ရက်များသည် အခြေခံ hardware ကို အဓိကမထားဘဲ သီးခြားဆက်သွယ်မှုများ လုပ်ဆောင်နိုင်ရန် သို့မဟုတ် ကွဲပြားခြားနားသော ဒေတာအမျိုးအစားများ အပေးအယူလုပ်နိုင်ရန် စံပရိုတိုကောများ အသုံးပြုခြင်းအပေါ် မှီခို‌နေသည်။

ဥပမာ voice over IP (VoIP) သည် IP တယ်လီဖုန်းအသွားအလာကို ပရိုတိုကောအား ထောက်ခံသည့် အဆုံးမှတ်သို့ ကောင်းစွာပို့ဆောင်နိုင်သည်။ ဂလိုဘယ်ပရိုတိုကော (HTTP) သည် browsers များအတွက် ကွန်ရက်စာမျက်နှာများပြသရန် အသုံးအများဆုံး‌သော နည်းလမ်းကို ပေးသည်။ TCP / IP ဟု လူသိများသော Internet Protocol Suite သည် ဒေတာနှင့် ၀န်ဆောင်မှုများကို IP အခြေပြုကွန်ရက်တစ်ခုမှ သယ်ယူရန်အတွက် စိတ်ချရသော ပရိုတိုကောအစုအဝေးတစ်ခု ဖြစ်သည်။

Networking for Everyone

အထက်ပါ ကြီးမားကျယ်ပြန့်လှသော နက်ဝက်အတတ်ပညာ အကြောင်းအရာတွေ ဖတ်ရှုမိတော့ မိတ်ဆွေတို့အနေဖြင့် ခေါင်းကိုက်ချင် ကိုက်သွားနိုင်ပါသည်။ ဟုတ်လား။ စာဖတ်သူ မိတ်ဆွေတို့။

ဒါက နက်ဝက်ပညာရပ်တွေကို မိတ်ဆွေတို့ ကောင်းစွာသိရှိနားလည်စေရန် ရေးသားဖော်ပြခြင်းသာ ဖြစ်ပေသည်။ တကယ်တော့ နက်ဝက်ပညာကို လူတိုင်း လုပ်နိုင်ပါသည်။ နောက်ဆုံး ဖုန်းလေးတစ်ခုနဲ့ပင် လုပ်နိုင်ပါသည်။

ဥပမာ မိမိဖုန်းကို date backup account သွင်းပြီး date saving လုပ်ခြင်း၊ Facebook, Mail, Twitter, Quora, Google, Browser, Ethernet များအသုံးပြုခြင်း၊ VPN အသုံးပြု၍ IP ကျော်ခြင်း၊ IP ဖျောက်ခြင်း၊ IP ပြောင်းခြင်း စသည့် internet အသုံးပြုရသော လုပ်ဆောင်ချက်တွေသည် Networking အလုပ်ဖြစ်သည်။ တစ်နည်းအားဖြင့် Home WiFi, Phone Wifi and Computer WiFi များ တည်ဆောက်ခြင်း၊ ဆက်သွယ်ခြင်း၊ ပြုပြင်ခြင်း၊ ကာကွယ်ခြင်း စသည်တို့မှာလည်း Networking အလုပ်ပင်ဖြစ်သည်။

တစ်လောက Lock Down အဓိပ္ပါယ်ဖွင့်ဆိုထားသော ကျွန်တော့ Facebook Post တစ်ခုတွင် မိတ်ဆွေတစ်ယောက်က Lock Down အကြောင်း မေးလေသည်။ "lock down က ကွန်ပျူတာမှာ ပါလား။ ကျွန်တော်တော့ lock out ပဲသိတယ်။"

ကျွန်တော်က "Lock down ဆိုတာ ကွန်ပျူတာလုပ်ဆောင်ချက် မဟုတ်ဘူး။ Networking Systems" လို့ ပြန်ဖြေလိုက်ပါသည်။ Lock down (networking) အဓိပ္ပါယ်က ခွင့်ပြုချက်ရသူများသာ ကွန်ပျူတာကွန်ရက်ကို အသုံးပြုနိုင်ခြင်းပင်ဖြစ်သည်။ Internet Network ကိုကာကွယ်ဖို့ WiFi Password များထားခြင်း၊ ဒေသအလိုက်၊ နိုင်ငံအလိုက် အသုံးပြုခွင့်များ သတ်မှတ်ခြင်း၊ IP ပိတ်ပင်ခြင်း စသည်တို့မှာ Lock Down of Networking ပင်ဖြစ်သည်။ တစ်နည်းအားဖြင့် PDF File တစ်ခုကို Online ပေါ် ကျွန်တော်က တင်ထားတယ် ဆိုပါဆို့။ ၎င်းကို ကျွန်တော်က Restricted Drive လုပ်မယ်ဆိုလျှင် ခွင့်ပြုသူများသာ ဒီ PDF ကိုကူးယူနိုင်မည် ဖြစ်သည်။

Social Web, Google Web and World Wide Web ‌တွေမှာ လိုချင်‌သောအချက်အလက်များ Searching, Tracking, Cracking, Hacking လုပ်ခြင်းသည်လည်း Networking အလုပ်ပင်ဖြစ်ပါသည်။ ဒီအပိုင်းကိုတော့ အများအားဖြင့် programmer, social engineer, cracker and hacker များသာ လုပ်ကြပါသည်။

အချုပ်ဆိုရသော် Networking သည် ကျောင်းသားကျောင်းသူများ၊ အလုပ်သမားများ၊ လုပ်ငန်းရှင်များ၊ အင်ဂျင်နီယာများ၊ ပရိုဂရမ်မာ၊ ခရက်ကာ၊ ဟက်ကာများ အတွက် မရှိမဖြစ်လိုအပ်သော အတတ်ပညာရပ်တစ်ခု ဖြစ်ပါသည်။ လိုအပ်သော အချက်အလက်များကို အချိန်တိုအတွင်း အကုန်အကျသက်သာစွာ ရယူနိုင်သောကြောင့် အဖိုးအနဂ္ဂထိုက်‌တန်သော ပညာရပ်တစ်ခုပင် ဖြစ်ပါ‌တော့သည်။

#kolwin@2k

#Crd_ရဲတံခွန် (ဘီတီဂျီ)